======
ഇന്നീ നിലവിലും,
കത്തുന്ന വെയിലിലും,
മൂളുന്ന കാറ്റിലും,
നുരയുന്ന തിരയിലും,
ഉറയുന്ന മഞ്ഞിലും,
തിരെയാം നമുക്കിനി.
മിഴിനീരൊഴിഞ്ഞ
മിഴികളില് തളരുന്ന
നിറം മാഞ്ഞ സ്വപ്നങ്ങള്
വെടിയാം.
കഥ തീര്ന്ന രംഗങ്ങള്
മായ്ക്കാം, കരങ്ങളില്
കത്തുന്ന പന്തങ്ങളേന്താം.
മിഴി തുറക്കട്ടെ
വഴിയില് നിശാഗന്ധി,
പിന്വിളിവിളിക്കട്ടെ
മുന്ജന്മപാപങ്ങള്,
പാടിയുറങ്ങട്ടെ തൊടികളില്
പാതിരാപ്പുള്ളൂകള്,.
മുന്നില് നമുക്കൊരു
ലക്ഷ്യമുണ്ടോര്ക്കുക.
പുലരാനിരിക്കുന്ന പുത്തന്
പുലരിയെ കാണുവാന്
കണികണ്ടുണാരാന്.
മിഴികള് തുറക്കാം നമുക്കിനി
തുറന്നിരിക്കാം, പീലികള്
ചിമ്മാതെ കാത്തിരിക്കാം.
പിടയുന്ന മിഴികള്ക്കും
പൊള്ളുന്ന നെഞ്ചിനും
കത്തുന്ന വയറിനും
തുണയായി.
പാറിപറക്കുന്ന ശുദ്ധ
സ്നേഹത്തിന്റെ
പൊന്ക്കതിര് പൊന്കൊടി
വാനിലുയര്ത്തിപ്പിടിക്കാം.
No comments:
Post a Comment