*******
കൈലാസനാഥന്റെ തൃപ്പാദപദ്മത്തില്
കാണിക്കയാക്കി ഞാനെന്റെ ജന്മം
പാര്വതി പൂജക്കിറുത്തപ്പുഷ്പ്ങ്ങളില്
ഞാനെന്റെ ദുരിതങ്ങള് ചേര്ത്തുവെച്ചു.
(കൈലാസ )
അത്താഴപ്പട്ടിണിക്കാരനായിയെത്തി
ശംഭോ നിന് തിരുനടയിലെന്നും
ദാരിദ്ര്യ ദു:ഖത്താലലയുന്നോരെഴയെ
നീ മാറോടണച്ചു നിര്ത്തുകില്ലെ.
(കൈലാസ )
തിരുനെറ്റിക്കണ്ണില്നിന്നു ഉതിരുന്നോരഗ്നിയില്
ദുരിതങ്ങലെല്ലാമെരിച്ചിടെണെ ശംഭോ
തിരുമുടിജടയെ ചൂഴുന്ന തീര്ത്ഥത്തില്
എന്നുടെ പാപങ്ങള് ഒഴുക്കിടെണം ശംഭോ.
(കൈലാസ )
അറിവില്ലാതടിയന് ചെയുന്ന കര്മ്മങ്ങള്
തിരുനെറ്റിക്കുറിയായി ചാര്ത്തിടെണം
ദു:ഖങ്ങള് മനസ്സിനെ അലട്ടുമ്പോളടിയാനെ
കൂവളമാലയായി അണിഞ്ഞിടേണം
ശംഭോ നിന്മിഴിയാലെന്നെ കാത്തിടേണം
(കൈലാസ )
No comments:
Post a Comment